Galeria Art Saranda ndodhet në bulevardin kryesor të Sarandës, në krah të Muzeut të Traditës. 

Galeria Art Saranda ofron për vizitorët një fond të qëndrueshëm prej disa koleksionesh veprash që i përkasin dy epokave: periudhës së realizmit socialist dhe periudhës moderne. Drejtori i Galerisë, Z. Lefter Çeko, evidenton si vlerë të veçantë të saj faktin që vizitorët mund të kuptojnë transformimin që ka pësuar arti vizual gjatë diktaturës dhe pas saj. Kjo gjë bëhet më e dallueshme tek veprimtaria e artistëve që i kanë qënë aktivë artistikisht në të dy këto periudha. Objektet e ekspozuara përfshijnë skulptura abstrakte, piktura moderne dhe piktura që shfaqin folklorin dhe historinë e rajonit.

Galeria mirëpret vazhdimisht ekspozita të artistëve shqiptarë që jetojnë brenda dhe jashtë vendit si dhe simpiozume me pjesëmarrjen e artistëve nga mbarë bota.