VOLLODË, SARANDË

VOLLODË, SARANDË

Kisha e Shën Gjergjit ndodhet në fshatin Vollodë të Sarandës. Ky është një objekt i vjetër kulti i besimit orthodoks që i ka rezistuar kohës. Rrethuar nga lëndina plot gjelbërim, kisha duket si pjesë e një peizazhi mahnitës i një piktori.

Ajo është e ndërtuar me një muraturë guri, e punuar vetëm te pjesa e hyrjes. Çatia ka një lartësi me kulm në qendër, në formë rrethore të mbështetur në 4 kolona prej guri masiv. Në brendësi shihen fragmente afreskesh, të dëmtuara nga koha.

Ky vend të krijon ndjesinë e një jete idilike, afër natyrës dhe në sfidë me kohën. Nëqoftëse jeni në kërkim të një vendi për piknik, kjo është zgjidhja perfekte.